Sri Hanuman Namaskarah

ಗೋಷ್ಪದಿಕೃತ  ವಾರೀಶಂ ಮಶಕೀಕೃತ ರಾಕ್ಷಸಾನ್ ।
ರಾಮಾಯಣ ಮಹಾಮಾಲಾ ರತ್ನಂ ವಂದೇsನಿಲಾತ್ಮಜಂ ।।೧।।

ಅಂಜನಾನಂದನಂ  ವೀರಂ  ಜಾನಕಿ ಶೋಕನಾಶನಮ್ ।
ಕಪೀಶಮಕ್ಷಹಂತಾರಂ  ವಂದೇ ಲಂಕಾಭಯಂಕರಮ್  ।।೨।।

ಉಲ್ಲಂಘ್ಯ ಸಿಂಧೋಃ  ಸಲಿಲಂ ಸಲೀಲಂ
ಯಃ ಶೋಕವಹ್ನಿಂ  ಜನಕಾತ್ಮಜಾಯಾಃ ।
ಆದಾಯ ತೇನೈವ  ದದಾಹ ಲಂಕಾಂ
ನಮಾಮಿ ತಂ  ಪ್ರಾಂಜಲಿರಾಂಜನೇಯಮ್  ।।೩।।


ಮನೋಜವಂ ಮಾರುತತುಲ್ಯವೇಗಂ
ಜಿತೇಂದ್ರಿಯಂ ಬುದ್ಧಿಮತಾಂ  ವರಿಷ್ಟಂ ।
ವಾತಾತ್ಮಜಂ ವಾನರಯೂಥಮುಖ್ಯಂ
ಶ್ರೀ ರಾಮದೂತಂ ಶಿರಸಾ ನಮಾಮಿ  ।।೪।।


ಆಂಜನೇಯ ಮತಿಪಾಟಲಾನನಂ
ಕಾಂಚನಾದ್ರಿ  ಕಮನೀಯ ವಿಗ್ರಹಮ್ ।
ಪಾರಿಜಾತ ತರು ಮೂಲವಾಸಿನಂ
ಭಾವಯಾಮಿ ಪವಮಾನ ನಂದನಂ ।।೫।।

ಯತ್ರ ಯತ್ರ ರಘುನಾಥ ಕೀರ್ತನಂ ತತ್ರ ತತ್ರ ಕೃತ ಮಸ್ತಕಾಂಜಲಿಮ್ ।
ಬಾಷ್ಪವಾರಿಪರಿಪೂರ್ಣಲೋಚನಂ  ಮಾರುತಿಂ ನಮತ ರಾಕ್ಷಸಾಂತಕಮ್ ।।೬।।