Hanuma Namma Taayi TandE

ರಚನೆ : ಪುರಂದರ ದಾಸರು



ಹನುಮ ನಮ್ಮ ತಾಯಿ ತಂದೆ                                    ||ಪ||

ಭೀಮ ನಮ್ಮ ಬಂಧು ಬಳಗ
ಆನಂದ ತೀರ್ಥರೆ ನಮ್ಮ ಗತಿ ಗೋತ್ರವಯ್ಯ                 ||ಅ.ಪ||

ತಾಯಿತಂದೆ ಹಸುಳೆಗಾಗಿ ಸಹಾಯ ಮಾಡಿ ಸಾಕುವಂತೆ
ಆಯಾಸವಿಲ್ಲದೆ ಸಂಜೀವನವ ತಂದೆ
ಗಾಯಗೊಂಡ ಕಪಿಗಳನು ಸಾಯದಂತೆ ಪೊರೆದ
ರಘು ರಾಯನಂಘ್ರಿಗಳೇ ಸಾಕ್ಷಿ ತ್ರೇತಾಯುಗದಿ             ||೧||

ಬಂಧುಬಳಗದಂತೆ ಆಪದ್ಭಾಂಧವನಾಗಿ ಪಾರ್ಥನಿಗೆ
ಬಂದ ಬಂದ ದುರಿತಗಳ ಪರಿಹರಿಸಿ
ಅಂಧಕಜಾತಕರ ಕೊಂದು ನಂದಕಂದಾರ್ಪಣೆ  ಎಂದು
ಗೋವಿಂದನಂಘ್ರಿಗಳೇ ಸಾಕ್ಷಿ ದ್ವಾಪರ ಯುಗದಿ             ||೨||

ಗತಿಗೋತ್ರರಂತೆ ಸಾಧುತತಿಗಳಿಗೆ ಮತಿಯ ತೋರಿ
ಮತಿಗೆಟ್ಟ ಇಪ್ಪತ್ತೊಂದು ಮತವ ಖಂಡಿಸಿ
ಗತಿಗೆಟ್ಟ ಸದ್ವೈಷ್ಣವರಿಗೆ ಸದ್ಗತಿಯ ತೋರಿದ ಪರಮಾತ್ಮನೇ
ಗತಿ ಪುರಂದರವಿಠಲನೆ ಸಾಕ್ಷಿ ಕಲಿಯುಗದಲ್ಲಿ                 ||೩||

https://www.youtube.com/Puttur Narasimha Nayak

Lyrics In English:


Hanuma namma taayi tandE ||pa||

Bheema namma bandubalaga
aanandateertharE namma bandhu gOthravayya ||a.pa||

taayitandE hasuLEgaagi sahaaya maaDi saakuvantE
aayasavilladE sanjeevana tandE
gaayagOnDa kapigaLanu saayadantE pOredE
raghu raayananghrigaLE saakshi trEtayugadi ||1||

bandhubaLagadantE aapadbandhavanaagi paarthanigE
banda banda duritagaLa pariharisi
andhajaatakara kOndu nandakandaarpaNE endu
gOvindananghrigaLE saakshi dwaapara yugadi ||2||

gatigOtrarantE saadhutatigaLIgE matiya tOri
matigETta ippattOndu  matava khanDisi
gatigETta sadvaishnavarige sadgatiya tOrida paramaatmanE
gati purandaraviThalanE saakshi kaliyugadalli ||3||