॥ ಹೇರಂಬಸ್ತೋತ್ರಂ ಗೌರಿಕೃತಮ್ ॥
ಶ್ರೀ ಗಣೇಶಾಯ ನಮಃ ।
।।ಗೌರ್ಯುವಾಚ।।
ಗಜಾನನ ಜ್ಞಾನವಿಹಾರಕಾರಿನ್ನ ಮಾಂ ಚ ಜಾನಾಸಿ ಪರಾವಮರ್ಷಾಮ್।
ಗಣೇಶ ರಕ್ಷಸ್ವ ನ ಚೇಚ್ಛರೀರಂ ತ್ಯಜಾಮಿ ಸದ್ಯಸ್ತ್ವಯಿ ಭಕ್ತಿಯುಕ್ತಾ।।೧।।
ವಿಘ್ನೇಶ ಹೇರಂಬ ಮಹೋದರ ಪ್ರಿಯ ಲಂಬೋದರ ಪ್ರೇಮವಿವರ್ಧನಚ್ಯುತ।
ವಿಘ್ನಸ್ಯ ಹರ್ತಾಽಸುರಸಂಘಹರ್ತಾ ಮಾಂ ರಕ್ಷ ದೈತ್ಯಾತ್ವಯಿ ಭಕ್ತಿಯುಕ್ತಾಮ್।।೨।।
ಕಿಂ ಸಿದ್ಧಿಬುದ್ಧಿಪ್ರಸರೇಣ ಮೋಹಯುಕ್‍ತೋಽಸಿ ಕಿಂ ವಾ ನಿಶಿ ನಿದ್ರಿತೋಽಸಿ।
ಕಿಂ ಲಕ್ಷಲಾಭಾರ್ಥವಿಚಾರಯುಕ್‍ತಃ ಕಿಂ ಮಾಂ ಚ ವಿಸ್ಮೃತ್ಯ ಸುಸಂಸ್ಥಿತೋಽಸಿ ॥೩॥
ಕಿಂ ಭಕ್‍ತಸಂಗೇನ ಚ ದೇವದೇವ ನಾನೋಪಚಾರೈಶ್ಚ ಸುಯನ್‍ತ್ರಿತೋಽಸಿ।
ಕಿಂ ಮೋದಕಾರ್ಥೇ ಗಣಪಾದ್ಧೃತೋಽಸಿ ನಾನಾವಿಹಾರೇಷು ಚ ವಕ್ರತುಂಡ ॥೪॥
ಸ್ವಾನಂದಭೋಗೇಷು ಪರಿಹೃತೋಽಸಿ ದಾಸೀಂ ಚ ವಿಸ್ಮೃತ್ಯ ಮಹಾನುಭಾವ ।
ಆನಂತ್ಯಲೀಲಾಸು ಚ ಲಾಲಸೋಽಸಿ ಕಿಂ ಭಕ್‍ತರಕ್ಷಾರ್ಥಸುಸಂಕಟಸ್ಥಃ ॥೫॥
ಅಹೋ ಗಣೇಶಾಮೃತಪಾನದಕ್ಷಾಮರೈಸ್ತಥಾ ವಾಽಸುರಪೈಃ ಸ್ಮೃತೋಽಸಿ ।
ತದರ್ಥನಾನಾವಿಧಿಸಂಯುತೋಽಸಿ ವಿಸೃಜ್ಯ ಮಾಂ ದಾಸೀಮನನ್ಯಭಾವಾಮ್ ॥೬॥
ರಕ್ಷಸ್ವ ಮಾಂ ದೀನತಮಾಂ ಪರೇಶ ಸರ್ವತ್ರ ಚಿತ್ತೇಷು ಚ ಸಂಸ್ಥಿತಸ್ತ್ವಮ್ ।
ಪ್ರಭೋ ವಿಲಂಬೇನ ವಿನಾಯಕೋಽಸಿ ಬ್ರಹ್ಮೇಶ ಕಿಂ ದೇವ ನಮೋ ನಮಸ್ತೇ ॥೭॥
ಭಕ್‍ತಾಭಿಮಾನೀತಿ ಚ ನಾಮ ಮುಖ್ಯಂ ವೇದೇ ತ್ವಭಾವಾನ್ ನಹಿ ಚೇನ್ಮಹಾತ್ಮನ್ ।
ಆಗತ್ಯ ಹತ್ವಾಽದಿತಿಜಂ ಸುರೇಶ ಮಾಂ ರಕ್ಷ ದಾಸೀಂ ಹೃದಿ ಪಾದನಿಷ್ಠಾಮ್ ॥೮॥
ಅಹೋ ನ ದೂರಂ ತವ ಕಿಂಚಿದೇವ ಕಥಂ ನ ಬುದ್ಧೀಶ ಸಮಾಗತೋಽಸಿ ।
ಸುಚಿಂತ್ಯದೇವ ಪ್ರಜಹಾಮಿ ದೇಹಂ ಯಶಃ ಕರಿಷ್ಯೇ ವಿಪರೀತಮೇವಮ್ ॥೯॥
ರಕ್ಷ ರಕ್ಷ ದಯಾಸಿಂಧೋಽಪರಾಧಾನ್ಮೇ ಕ್ಷಮಸ್ವ ಚ ।
ಕ್ಷಣೇ ಕ್ಷಣೇ ತ್ವಹಂ ದಾಸೀ ರಕ್ಷಿತವ್ಯಾ ವಿಶೇಷತಃ ॥೧೦॥
ಸ್ತುವತ್ಯಾಮೇವ ಪಾರ್ವತ್ಯಾಂ ಶಂಕರೋ ಬೋಧಸಂಯುತಃ ।
ಬಭೂವ ಗಣಪಾನಾಂ ವೈ ಶ್ರುತ್ವಾ ಹಾಹಾರವಂ ವಿಧೇಃ ॥೧೧॥
ಗಣೇಶಂ ಮನಸಾ ಸ್ಮೃತ್ವಾ ವೃಷಾರೂಢಃ ಸಮಾಯಯೌ ।
ಕ್ಷಣೇನ ದೈತ್ಯರಾಜಂ ತಂ ದೃಷ್ಟ್ವಾ ಡಮರುಣಾಹನತ್ ॥೧೨॥
ತತಃ ಸೋಽಪಿ ಶಿವಂ ವೀಕ್ಷ್ಯಾಲಿಂಗಿತುಂ ಧವಿತೋ।ಆಭವತ್ ।
ಶಿವಸ್ಯ ಶೂಲಿಕಾದೀನಿ ಶಸ್ತ್ರಾಣಿ ಕುಂಠಿತಾನಿ ವೈ ॥೧೩॥
ತಂ ದೃಷ್ಟ್ವಾ ಪರಮಾಶ್ಚರ್ಯಂ ಭಯಭೀತೋ ಮಹೇಶ್ವರಃ ।
ಸಸ್ಮಾರ ಗಣಪಂ ಸೋಽಪಿ ನಿರ್ವಿಘ್ನಾರ್ಥಂ ಪ್ರಜಾಪತೇ ॥೧೪॥
ಪಾರ್ವತ್ಯಾಃ ಸ್ತವನಂ ಶ್ರುತ್ವಾ ಗಜಾನನಃ ಸಮಾಯಯೌ ।
ಇತಿ ಮುದ್ಗಲಪುರಾಣೋಕ್‍ತಂ ಹೇರಂಬಸ್ತೋತ್ರಂ ಸಂಪೂರ್ಣಮ್ ।
No comments :
Post a Comment