Laali Govinda Laali Kousalya

                                                            ಮೂಲ ಬೃಂದಾವನ

ಶ್ರೀಪಾದರಾಜಗುರುಭ್ಯೋನಮ:।


ಜ್ಞಾನವೈರಾಗ್ಯ ಭಕ್ತ್ಯಾದಿ ಕಲ್ಯಾಣಗುಣಶಾಲಿನ: |
ಲಕ್ಷ್ಮೀನಾರಾಯಣಮುನೀನ್ ವಂದೇ ವಿದ್ಯಾಗುರೂನ್ಮಮ ||

ಆಚಾರ್ಯ ಮಧ್ವರ ನೇರ ಶಿಷ್ಯರಾದ ಶ್ರೀಪದ್ಮನಾಭತೀರ್ಥರ ಪರಂಪರೆಯಲ್ಲಿ ವಿರಾಜಮಾನರಾಗಿದ್ದ, ಆಚಾರ್ಯ ಮಧ್ವರ ನಂತರದ ೮ನೇ ಯತಿಗಳಾದ, ವ್ಯಾಸಸಾಹಿತ್ಯ ಮತ್ತು ದಾಸಸಾಹಿತ್ಯವೆರಡರಲ್ಲೂ ಕುಶಲರಾಗಿದ್ದ, ವ್ಯಾಸರಾಜರೆಂಬ ಅಮೂಲ್ಯ ವಜ್ರವನ್ನು ನೀಡಿದ, ಶ್ರೀ ಶ್ರೀಪಾದರಾಜರ ಆರಾಧನ ನಿಮಿತ್ತ ಲೇಖನ -

ಶೇಷಗಿರಿಯಪ್ಪ ಮತ್ತು ಗಿರಿಯಮ್ಮ ದಂಪತಿಗಳಲ್ಲಿ ಅಬ್ಬೂರಿನಲ್ಲಿ ಕ್ರಿ.ಶಕ. 1406ರಲ್ಲಿ “ಲಕ್ಷ್ಮೀನಾರಾಯಣ”ರೆಂಬ ನಾಮಧೇಯದಿಂದ ಜನಿಸಿ, 1411ರಲ್ಲಿ ಉಪನಯನಗೊಂಡು. 1412ರಲ್ಲಿ ಶ್ರೀರಂಗದಲ್ಲಿ ಶ್ರೀ ಸ್ವರ್ಣವರ್ಣತೀರ್ಥರ ಉತ್ತರಾಧಿಕಾರಿಯಾಗಿ ಸನ್ಯಾಸವನ್ನು ಸ್ವೀಕರಿಸಿ, “ಲಕ್ಷ್ಮೀನಾರಾಯಣ ಮುನಿ” ಎಂಬ ಆಶ್ರಮನಾಮವನ್ನು ಸ್ವೀಕರಿಸಿ, ನಂತರ, ಭಾಸ್ಕರಕ್ಷೇತ್ರವೆಂದು ಪ್ರಖ್ಯಾತವಾಗಿದ್ದ, ವಿಜಯನಗರದ ಅರಸರ ಎರಡನೇ ರಾಜಧಾನಿಯಾಗಿದ್ದ, ತಿರುಪತಿಯ ಪೂರ್ವದ ಬಾಗಿಲು ಎಂದು ಪ್ರಖ್ಯಾತವಾದ “ಮುಳಬಾಗಿಲು” ಕ್ಷೇತ್ರದಲ್ಲಿ 154ರಲ್ಲಿ  ಜ್ಯೇಷ್ಟ ಶುಕ್ಲ ಚತುರ್ದಶಿಯಂದು ವೃಂದಾವನಸ್ಥರಾದರು.

 “ಶ್ರೀಪಾದರಾಜರು”

श्रीपूर्णबोध कुलवार्धि सुधाकराय श्रीव्यासराज गुरवे यतिशेखराय |
श्रीरंगविट्ठल पदांबुज बंभराय श्रीपादराजगुरवेस्तु नमश्युभाय ॥

ज्ञानवैराग्य भक्त्यादि कल्याणगुणशालिन: ।
लक्ष्मीनारायणमुनीन्वंदे विद्यागुरून्मम ॥

तं वंदे नरसिंहतीर्थनिलयं श्रीव्यासराट् पूजितं ।
ध्यायंतं मनसा नृसिंहचरणम् श्रीपादराजं गुरुं ॥

ಶ್ರೀಪೂರ್ಣಬೋಧ ಕುಲವಾರ್ಧಿ ಸುಧಾಕರಾಯ ಶ್ರೀವ್ಯಾಸರಾಜ ಗುರವೇ ಯತಿಶೇಖರಾಯ |
ಶ್ರೀರಂಗವಿಟ್ಠಲ ಪದಾಂಬುಜ ಬಂಭರಾಯ ಶ್ರೀಪಾದರಾಜಗುರವೇಸ್ತು ನಮಶ್ಯುಭಾಯ ||

ಜ್ನಾನವೈರಾಗ್ಯ ಭಕ್ತ್ಯಾದಿ  ಕಲ್ಯಾಣಗುಣಶಾಲಿನಃ  |
ಲಕ್ಷ್ಮೀನಾರಾಯಣಮುನೀನ್ವಂದೆ  ವಿದ್ಯಾಗುರುನ್ಮಮ  ||

ತಂ ವಂದೇ ನರಸಿಂಹತೀರ್ಥನಿಲಯಂ ಶ್ರೀವ್ಯಾಸರಾಟ್ ಪೂಜಿತಂ |
ಧ್ಯಾಯಂತಂ ಮನಸಾ ನೃಸಿಂಹಚರಣಮ್ ಶ್ರೀಪಾದರಾಜಂ ಗುರುಂ  |




ರಚನೆ : ಶ್ರೀಪಾದರಾಜರು
ರಾಗ : ಆನಂದಭೈರವಿ
ತಾಳ : ಝಂಪೆ



ಲಾಲಿ ಗೋವಿಂದ ಲಾಲಿ ಕೌಸಲ್ಯ
ಬಾಲ ಶ್ರೀರಾಮ ಲಾಲಿ ।                   (ಪ )

ಲಾಲಿ ಮುನಿವಂದ್ಯ  ಲಾಲಿ  ಜಾನಕಿ
ರಮಣ  ಶ್ರೀ ರಾಮ  ಲಾಲಿ ।।             ( ಅ. ಪ )


ಕನಕರತ್ನಗಳಲ್ಲಿ  ಕಾಲ್ಗಳನೆ    ಹೂಡಿ
ನಾಲ್ಕು ವೇದಗಳನ್ನು  ಸರಪಣಿಯ   ಮಾಡಿ
ಅನೇಕ ಭೂಮಂಡಲವ  ಹಲಗೆಯ ಮಾಡಿ
ಶ್ರೀಕಾಂತನ  ಉಯ್ಯಾಲೆಯನು   ವಿಚಾರಿಸಿದರು ।।೧।।


ಆಶ್ಚರ್ಯಜನಕವಾಗಿ  ನಿರ್ಮಿಸಿದ
ಪಚ್ಚೆಯ ತೊಟ್ಟಿಲಲ್ಲಿ
ಅಚ್ಯುತಾನಂತನಿರಲು  ತೂಗಿದರು
ಮತ್ಸ್ಯಾವತಾರ ಹರಿಯ ।।೨।।


ಧರ್ಮಸ್ಥಾಪಕನು ಎಂದು  ನಿರ್ವಧಿಕ
ನಿರ್ಮಲ ಚರಿತ್ರನೆಂದು
ಮರ್ಮ ಕರ್ಮಗಳ ಪಾಡಿ  ತೂಗಿದರು
ಕೂರ್ಮಾವತಾರ  ಹರಿಯ ।।೩।।

ಸರಸಿಜಾಕ್ಷಿಯರೆಲ್ಲರೂ  ಜನವಶಿ
ಕರ  ದಿವ್ಯ ರೂಪನೆಂದು
ಪರಮ ಹರುಷದಲಿ ಪಾಡಿ  ತೂಗಿದರು
ವರಾಹವತಾರ  ಹರಿಯ ।।೪।।


ಕರಿ ಕುಂಭಗಳ  ಪೋಲುವ ಕುಚದಲ್ಲಿ
ಹಾರ  ಪದಕವು ಹೊಳೆಯಲು
ವರವರ್ಣಿನಿಯರು  ಪಾಡಿ ತೂಗಿದರು
ನರಸಿಂಹಾವತಾರ  ಹರಿಯ ।।೫।।

ಭಾಮಾಮಣಿಯರೆಲ್ಲರು  ಯದುವಂಶ
ಸೋಮನಿವನೆಂದು  ಪೊಗಳಿ
ನೇಮದಿಂದಲಿ ಪಾಡಿ ತೂಗಿದರು
ವಾಮನವತಾರ ಹರಿಯ ।।೬।।


ಸಾಮಜವರದನೆಂದು  ಅತುಳ  ಭೃಗು
ರಾಮವತಾರನೆಂದು
ಶ್ರೀಮದಾನಂದ  ಹರಿಯ ತೂಗಿದರು
ಪ್ರೇಮಾತಿರೇಕದಿಂದ।।೭।।


ಕಾಮನಿಗೆ ಕಾಮನೆಂದು  ಸುರಸಾರ್ವ
ಭೌಮ  ಗುಣಧಾಮನೆಂದು
ವಾಮನೇತ್ರೆಯರು ಪಾಡಿ ತೂಗಿದರು
ರಾಮಾವತಾರ ಹರಿಯ ।।೮।।


ಸೃಷ್ಟಿಯ ಕರ್ತನೆಂದು  ಜಗದೊಳಗೆ
ಶಿಷ್ಟ ಸಂತುಷ್ಟನೆಂದು
ದೃಷ್ಟಾಂತರ  ಹಿತನೆಂದು  ತೂಗಿದರು
ಕೃಷ್ಣಾವತಾರ  ಹರಿಯ ।।೯।।


ವೃದ್ಧ  ನಾರಿಯರೆಲ್ಲರೂ  ಜಗದೊಳಗೆ ಪ್ರ
ಸಿದ್ಧನಿವನೆಂದು  ಪೊಗಳಿ
ಬದ್ಧಾನುರಾಗದಿಂದ  ತೂಗಿದರು
ಬೌದ್ಧಾವಾತಾರ  ಹರಿಯ ।।೧೦।।

ತಲತಲಾಂತರದಿಂದ  ರಂಜಿಸುವ
ಮಲಯಜ ಲೇಪದಿಂದ
ಜಲಜಗಂಧಿಯರು  ಪಾಡಿ ತೂಗಿದರು
ಕಲ್ಕ್ಯಾವತಾರ ಹರಿಯ ।।೧೧।।


ಕನಕಮಯ ಖಚಿತವಾದ ತಲ್ಪದಲಿ
ವನಜಭವ ಜನಕನಿರಲು
ವನಜನಾಭನ್ನ  ಪಾಡಿ ತೂಗಿದರು
ವನಿತಮಣಿಯರೆಲ್ಲರು ।।೧೨।।


ಪದ್ಮರಾಗವ ಪೋಲುವ  ಹರಿಪಾದ
ಪದ್ಮವನುತ್ತಮ  ಹೃದಯ
ಪದ್ಮದಲಿ   ನಿಲ್ಲಿಸಿ  ಪಾಡಿ ತೂಗಿದರು
ಪದ್ಮಿನಿ ಭಾಮಿನಿಯರು ।।೧೩।।


ಹಸ್ತಭೂಷಣವ  ಮೆರೆಯಲು  ದಿವ್ಯತಾರ
ಹಸ್ತಳಗವಗಳಿಂದ
ಹಸ್ತಗಳ ಪಿಡಿದುಕೊಂಡು ತೂಗಿದರು
ಹಸ್ತಿನಿ ಭಾಮಿನಿಯರು ।।೧೪।।


ಮತ್ತ ಗಜಗಾಮಿನಿಯರು  ದಿವ್ಯತಾರ
ಚಿತ್ರ ವಸ್ತ್ರಗಳನುಟ್ಟು
ಚಿತ್ತ  ಸಂತೋಷದಿಂದ ತೂಗಿದರು
ಚಿತ್ತಿನಿ  ಭಾಮಿನಿಯರು ।।೧೫।।


ಕಂಕಣ ಧ್ವನಿಗಳಿಂದ ರಂಜಿಸುವ
ಕಿಂಕಿಣಿ ಸ್ವರಗಳಿಂದ
ಪಂಕಜಾಕ್ಷಿಯರು ಪಾಡಿ ತೂಗಿದರು
ಶಂಕಿಣಿ  ಭಾಮಿನಿಯರು ।।೧೬।।


ಚೊಕ್ಕ ಕಸ್ತೂರಿ ಪಂಕದಿಂ ರಂಜಿಸುವ
ಮಾಕರಿಕ  ಪತ್ರ ಬರೆದು
ಲಿಕುಚಾಸ್ತನಿಯರು  ಪಾಡಿ ತೂಗಿದರು
ಅಕಳಂಕ ಚರಿತ ಹರಿಯ ।।೧೭।।


ಪಲ್ಲವಧಾರೆಯರೆಲ್ಲ   ಈ ಶಿಶುವು
ತುಲ್ಯವಾರಿಜಾತವೆನುತಲಿ
ಸಲ್ಲಲಿತಗಾನದಿಂದ ತೂಗಿದರು
ಕಲ್ಯಾಣಿ ರಾಗದಿಂದ ।।೧೮।।


ಆನಂದ ಸದನದೊಳಗೆ ಗೋಪಿಯರು
ಆನಂದಸುತನ ಕಂಡು
ಆನಂದಭರಿತರಾಗಿ ತೂಗಿದರು
ಆನಂದಭೈರವಿಯಿಂದ ।।೧೯।।


ದೇವಾದಿದೇವನೆಂದು ಈ ಶಿಶುವ
ಭಾವನಾತೀತನೆಂದು
ದೇವಗಂಧರ್ವರು ಪಾಡಿ ತೂಗಿದರು
ದೇವಗಾಂಧಾರದಿಂದ ।।೨೦।।


ನೀಲ ಘನಲೀಲ ಜೋ ಜೋ ಕರುಣಾಳ
ವಾಲ ಶ್ರೀ ಕೃಷ್ಣ ಜೋ ಜೋ
ಲೀಲಾವತಾರ  ಜೋ ಜೋ ಪರಮಾತ್ಮ
ಬಾಲಗೋಪಾಲ  ಜೋ ಜೋ ।।೨೧।।


ಇಂಧುಧರನೇತ್ರ  ಜೋ ಜೋ ಶ್ರೀ ಕೃಷ್ಣ
ಇಂಧು  ರವಿನೇತ್ರ ಜೋ ಜೋ
ಇಂಧು  ಕುಲಪುತ್ರ ಜೋ ಜೋ  ಪರಮಾತ್ಮ
ಇಂದಿರಾರಮಣ  ಜೋ ಜೋ ।।೨೨।।


ತುಂಗ ಭವಭಂಗ  ಜೋ ಜೋ ಪರಮಾತ್ಮ
ರಂಗ  ಕೃಪಾಂಗ ಜೋ ಜೋ
ಮಂಗಳಾಪಾಂಗ ಜೋ ಜೋ
ರಂಗವಿಠಲನೆ  ಜೋ ಜೋ ।।೨೩।।



Lyrics  In  English -
rAga: AnaMdabhairavi
tALa: JaMpe
racane: shrIpAdarAjaru

lAli gOviMda lAli kausalyA
bAla shrIrAma lAli /pa/

lAli munivaMdya lAli jAnakI
ramaNa shrIrAma lAli /anupa/

kanakaratnagaLalli kAlgaLane hUDi
nAlku vEdagaLannu sarapaNiya mADi
anEka bhUmaMDalava halageya mADi
shrIkAMtanuyyAleyanu viracisidaru /1/

AshcaryajanakavAgi nirmisida
pacceya toTTilalli
acyutAnaMtaniralu tUgidaru
matsyAvatAra hariya /2/

dharmasthApakanu eMdu nirvadhika
nirmala caritraneMdu
marma karmagaLa pADi tUgidaru
kUrmAvatAra hariya  /3/

sarasijAkShiyarellaru janavashI
kara divya rUpaneMdu
parama haruShadali pADi tUgidaru
varAhAvatAra hariya /4/

kari kuMbhagaLa pOluva kucadalli
hAra padakavu hoLeyalu
varavarNiniyaru pADi tUgidaru
narasiMhAvatAra hariya /5/

bhAmAmaNiyarellaru yaduvaMsha
sOmanivaneMdu pogaLi
nEmadiMdali pADi tUgidaru
vAmanAvatAra hariya /6/

sAmajavaradaneMdu atuLa bhRugu
rAmAvatAraneMdu
shrImadAnaMda hariya tUgidaru
prEmAtirEkadiMda /7/

kAmanige kAmaneMdu surasArva
bhauma guNadhAmaneMdu
vAmanEtreyaru pADi tUgidaru
rAmAvatAra hariya /8/

sRuShTiya kartaneMdu jagadoLage
shiShTa saMtuShTaneMdu
dRuShTAMtarahitaneMdu tUgidaru
kRuShNAvatAra hariya /9/

vRuddha nAriyarellaru jagadoLage pra
siddha nivaneMdu pogaLi
baddhAnurAgadiMda tUgidaru
bauddhAvatAra hariya  /10/

ThaLaThaLatkAradiMda raMjisuva
malayajalEpadiMda
jalajagaMdhiyaru pADi tUgidaru
kalkyAvatAra hariya  /11/

kanakamaya KacitavAda talpadali
vanajabhava janakaniralu
vanajanAbhanna pADi tUgidaru
vanitAmaNiyarellaru /12/

padmarAgava pOluva haripAda
padmavanu tamma hRudaya
padmadali nillisi pADi tUgidaru
padminI bhAminiyaru /13/

hastabhUShaNa mereyalu divyatara
hastalAGavagaLiMda
hastagaLa piDidukoMDu tUgidaru
hastinI bhAminiyaru /14/

mattagajagAminiyaru divyatara
citra vastragaLanuTTu
citta saMtOShadiMda tUgidaru
cittinI bhAminiyaru /15/

kaMkaNa dhvanigaLiMda raMjisuva
kiMkiNI svaragaLiMda
paMkajAkShiyaru pADi tUgidaru
shaMkinI bhAminiyaru /16/

cokka kastUri paMkadiM raMjisuva
makarikA patra baredu
likucastaniyaru pADi tUgidaru
akaLaMka carita hariya /17/

pallavAdhareyarella I shishuvu
tulyavarjitavenutali
sallalitagAnadiMda tUgidaru
kalyANi rAgadiMda /18/

AnaMda sadanadoLage gOpiyaru
A naMdasutana kaMDu
AnaMdabharitarAgi tUgidaru
AnaMdabhairaviyiMda /19/

dEvAdidEvaneMdu I shishuva
bhAvanAtItaneMdu
dEvagaMdharvaru pADi tUgidaru
dEvagAMdhAradiMda /20/

nIla ghanalIla jO jO karuNAla
vAla shrIkRuShNa jO jO
lIlAvatAra jO jO paramAtma
bAlagOpAla jO jO /21/

iMdudharamitra jO jO shIkRuShNa
iMdu ravi nEtra jO jO
iMDu kulaputra jO jO paramAtma
iMdirAramaNa jO jO /22/


tuMga bhavabhaMga jO jO paramAtma
raMga kRupAMga jO jO
maMgaLApAMga jO jO mOhanAMga
raMgaviThalane jO jO  /23/