O ! Trishita Chancharika

 ರಚನೆ : ಕುವೆಂಪು



ಓ ! ತ್ರಿಶಿತ  ಚಂಚರೀಕ
ಬಾರ ಹೃದಯ ಪುಂಡರೀಕ
ನಿನ್ನನರಳಿ  ಕಾದಿದೆ ।
ಎದೆಯ ತುಂಬ ಮಧುವನಿಟ್ಟು
ದಾರಿಯೆಡೆಗೆ  ದಿಟ್ಟಿ ಇಟ್ಟು
ಬಯಸಿ ನೋಡಿ ಕಾದಿದೆ ।।


ಉದಯಾಚಲದಲ್ಲಿ  ರವಿ
ಬರುವ ಚಿಹ್ನೆ ಅರುಣ ಚವಿ
ಓಕುಳಿಯನೇ    ಚಲ್ಲಿದೆ ।
ಸರೋವರದ  ಸಲಿಲ ಮುಖಕೆ
ಪ್ರಿಯ ಜನರ ಪ್ರೇಮ ಸುಖಕೆ
ಓಕುಳಿಯನೇ  ಚೆಲ್ಲಿದೆ ।।


ಮೂಡನೆಲರು  ತೀಡುತಿದೆ
ಕೆರೆಯ ನೀರು ನಡುಗುತಿದೆ
ಹೂಬಟ್ಟಲು  ಬಳುಕಿದೆ ।
ಮಧುಬಾರಕೆ  ಪದುಮ ಪಾತ್ರೆ
ಪೂರ್ವ  ಪಶ್ಚಿಮಕ್ಕೆ ಯಾತ್ರೆ
ಮಕರಂದವು  ತುಳುಕಿದೆ ।।


ಬಾರಬೇಗ  ಚಂಚರೀಕ
ಬಾರಹೃದಯ ಪುಂಡರೀಕ
ಹಂಬಲಿಸಿದೆ ನಿನ್ನನೇ ।
ಬೇಗ ಹಿಂಡಿ  ಹೀರು ನನ್ನ
ಜೇನು ಸೋರಿ  ಹೋಗೋ  ಮುನ್ನ
ಪ್ರೇಮ ಪಾನ ಧನ್ಯನೇ ।।



Youtube  Link :