Mouna Tabbitu Nelava

 ಮೌನ  ತಬ್ಬಿತು  ನೆಲವ
 ರಚನೆ :ಗೋಪಾಲಕೃಷ್ಣ ಅಡಿಗ
ಗಾಯನ: ಸಿ . ಅಶ್ವಥ್



ಮೌನ ತಬ್ಬಿತು ನೆಲವ ಚುಂಬನೆ  ಪುಳಕಗೊಂಡಿತು  ಧಾರಿಣಿ ।
ನೋಡಿ ನಾಚಿತು ಬಾನು ಸೇರಿತು ಕೆಂಪು ಸಂಜೆಯ ಕದಪಲಿ ।। ಮೌನ।।


ಹಕ್ಕಿಕೊರಳಿನ ಸುರತ ಗಾನಕೆ ಬಿಗಿಯು ನಸುವೆ ಸಡಿಲಿತು ।
ಬೆಚ್ಚ ಬೆಚ್ಚನೆ  ಉಸಿರಿನಂದದಿ  ಗಾಳಿ ಮೆಲ್ಲನೆ ತೆವಳಿತು ।।ಮೌನ ।।


ಇರುಳ ಸೆರಗಿನ ನೆಳಲು ಚಾಚಿತು  ಬಾನು ತೆರೆಯಿತು ಕಣ್ಣನ್ನು ।
ನೆಲವು ತಣಿಯಿತು ಬೆವರು ಹನಿಯಿತು  ಬಾಷ್ಪ ನೆನೆಸಿತು ಹುಲ್ಲನು ।।ಮೌನ ।।


ಮೌನ ಉರುಳಿತು ಹೊರಳಿ ತೆದ್ದಿತು ಗಾಳಿ ಭೋರನೆ ಬೀಸಿತು ।
ತೆಂಗು ಗರಿಗಳ  ಚಾಮರಕೆ ಹಾ ! ಎಂದು ಮೌನವು ಮಲಗಿತು ।।ಮೌನ ।।



Youtube   Link :