Alli nOdalu rama

 ಅಲ್ಲಿ ನೋಡಲು  ರಾಮ ಇಲ್ಲಿ ನೋಡಲು ರಾಮ ।

 ಎಲ್ಲೆಲ್ಲಿ  ನೋಡಿದರಲ್ಲಿ ಶ್ರೀರಾಮ ।।

 ರಾವಣನ ಮೂಲಬಲ ಕಂಡು ಕಪಿಸೇನೇ  ಆವಾಗಲೇ  ಬೆದರಿ ಓಡಿದವು ।

ಈ ವೇಳೆ ನರನಾಗಿ ಇರಬಾರದೆಂದೆಣೆಸಿ  ದೇವ ರಾಮಚಂದ್ರ ಜಗವೆಲ್ಲ ತಾನಾದ।। 

ಅವನಿಗೆ ಇವ ರಾಮ ಇವನಿಗೆ ಅವ ರಾಮ ಅವನಿಯೋಳೀಪರಿ  ರೂಪವುಂಟೆ ।

ಲವಮಾತ್ರದಿ ಅಸುರ ದುರುಳರೆಲ್ಲರೂ  ಅವರವರು  ಹೊಡೆದಾಡಿ ಹತರಾಗಿ                                                      ಹೋದರು ।।

ಹನುಮದಾದಿ  ಸಾಧು ಜನರು ಅಪ್ಪಿಕೊಂಡು ಕುಣಿಕುಣಿದಾಡಿದರು ಹರುಷದಿಂದ ।

ಕ್ಷಣದಲ್ಲಿ ಪುರಂದರವಿಠಲರಾಯನು ಕೊನೆಗೊಡೆಯನು ತಾನೊಬ್ಬನಾಗಿ ನಿಂತ।। 


                               

ಹಾಡಿನ ಧ್ವನಿ ಸುರಳಿ:
 alli nodalu rama