ರಾಗ : ನಾಟ
ತಾಳ :ಖಂದ ಛಾಪು
ರಚನೆ : ಪುರಂದರ ದಾಸರು.
।।ಪಲ್ಲವಿ।।
ವಂದಿಸುವದಾದಿಯಲಿ ಗಣನಾಥನ ।।
।।ಅನುಪಲ್ಲವಿ।।
ಸಂದೇಹ ಸಲ್ಲ ಶ್ರೀ ಹರಿಯಾಜ್ಞೆ ಇದಕುಂಟು ।।
।।ಚರಣ ೧ ।।
ಹಿಂದೆ ರಾವಣ ತಾನು ವಂದಿಸದೆ ಗಜಮುಖನ ।
ನಿಂದು ತಪವನುಗೈದು ವರ ಪಡೆಯಲು ।।
ಒಂದು ನಿಮಿಷದಿ ಬಂದು ವಿಘ್ನವನು ಆಚರಿಸಿ ।
ತಂದ ವರಗಳನೆಲ್ಲಾ ಧರೆಗೆ ಇಳಿಸಿದನು ।।
।।ಪಲ್ಲವಿ।।
।।ಚರಣ ೨ ।।
ಇಂದು ಜಗವೆಲ್ಲಾ ಉಮೆನಂದನನ ಪೂಜಿಸಲು ।
ಚಂದದಿಂದಲಿ ಸಕಲ ಸಿದ್ಧಿಗಳನಿಟ್ಟು ।।
ತಂದೆ ಸಿರಿಪುರಂದರ ವಿಠಲನ ಸೇವೆಯೊಳು।
ಬಂದ ವಿಘ್ನವ ಕಳೆದಾನಂದವನು ಕೊಡುವ ।।
।।ಪಲ್ಲವಿ।।
No comments :
Post a Comment