ಶ್ರೀ ಸ್ವರ್ಣಗೌರಿ ವ್ರತದಲ್ಲಿ ಹದಿನಾರು ಎಳೆ/ಗ್ರಂಥಿ ಹಾಗೂ ಹದಿನಾರು ಗಂಟುಗಳಿಂದ ಕೂಡಿದ ದಾರವನ್ನು ಸ್ತ್ರೀಯರು ಧರಿಸುವ ಪ್ರತೀತಿ ಇದೆ .ಏನು ಈ ಹದಿನಾರು ಗ್ರಂಥಿಗಳ ವಿಶೇಷ ? ಅದನ್ನು ತಿಳಿಸುವ ಒಂದು ಸಣ್ಣ ಪ್ರಯತ್ನ ನನ್ನದು .ಏನಾದರೂ ತಪ್ಪಿದ್ದಲ್ಲಿ ವಿಷಾದಿಸುತ್ತೇನೆ .
ಇಡೀ ಸೃಷ್ಟಿಯು ಪುರುಷ ಹಾಗೂ ಪ್ರಕೃತಿ ಸ್ವರೂಪವಾದುದು .ಶ್ರೀಸ್ವರ್ಣಗೌರಿಯೂ ಪ್ರಕೃತಿ ಮಾತೆ .ಈ ತಾಯಿಯ ಅನುಗ್ರಹದಿಂದಲೇ ಸಮಸ್ತ ಸೃಷ್ಟಿಯೂ ವಿಸ್ತಾರವಾಗಿ ಬೆಳೆಯುವುದು .
ಹೀಗೆ ಸೃಷ್ಟಿ ವಿಸ್ತಾರವಾಗುವ ಕೊನೆ ಕೊನೆಯ ಹಂತಗಳಾದ ಸೂಕ್ಶ್ಮ ರೂಪವಾದ ಪಂಚತನ್ಮಾತ್ರೆಗಳು ( ಶಬ್ದ ,ಸ್ಪರ್ಶ ,ರೂಪ,ರಸ,ಗಂಧ )ಇವುಗಳು ವ್ಯಕ್ತವಾಗುವ ಪೃಥ್ವಿ, ಜಲ, ಅಗ್ನಿ,ವಾಯು,ಆಕಾಶಗಳೆಂಬ ಪಂಚಭೂತಗಳು ಹಾಗು ಪಂಚ ಕರ್ಮೇಂದ್ರಿಯಗಳು ಇವಿಷ್ಟೂ ಸೇರಿ ೧೫ ತತ್ವಗಳು ಹಾಗೂ ಮನಸ್ಸು ಸೇರಿ ೧೬ ತತ್ವಗಳಿಗೂ ಶ್ರೀ ಗೌರಿಯೇ ಅಧಿಷ್ಠಾತ್ರಿ .
ದಾರದಲ್ಲಿರುವ ೧೬ ಎಳೆಗಳು ನಮ್ಮನ್ನು ಪಮಾತ್ಮಾ ತತ್ವದತ್ತ ಕರೆದೊಯ್ಯುವ ನಾಡಿಮಾರ್ಗಗಳ ಪ್ರತೀಕ . ಹದಿನಾರು ಗಂಟುಗಳು ಮೇಲೆ ಹೇಳಲ್ಪಟ್ಟಿರುವ ತತ್ತ್ವಗಳ ಪ್ರತೀಕವಾದವು. ಪ್ರಕೃತಿ ಮಾತೆಯಾದ ಸ್ವರ್ಣಗೌರಿಯು ಮೂಲದಲ್ಲಿ ಬಂಗಾರ ವರ್ಣದಲ್ಲಿ ಇರುವುದರಿಂದ ಆ ತಾಯಿಯ ಸಂಪೂರ್ಣ ಅನುಗ್ರಹ ಪಡೆಯಲು ೧೬ ಗ್ರಂಥಿಗಳಿಗೆ ಅರಶಿನವನ್ನು ಲೇಪನ ಮಾಡಿ ಧರಿಸುವ ಪ್ರತೀತಿ ಇದೆ.
ಮಾನವನ ಜೀವನದ ಪರಗುರಿಯಾದ ಮೋಕ್ಶ ಸುಖವನ್ನು ಕರುಣಿಸುವಲ್ಲಿ ದೇವಿಯು ಜಡಜೀವಿಗಳಾದ ನಮ್ಮನ್ನು ಶುದ್ಧ ಚೈತನ್ಯಮಯನಾದ ಪರಮಾತ್ಮನಿಗೂ ನಡುವೆ ಸಂಪರ್ಕವನ್ನು ಅನುಗ್ರಹಿಸುವ ಸೇತುವೆಯಂತಿರುವಳು . ಜಗನ್ಮಂಗಳೆಯಾದ ಶ್ರೀ ಸ್ವರ್ಣಗೌರಿಯೂ ಸರ್ವರಿಗೂ ಸಕಲ ಇಷ್ಟ ಸಿದ್ಧಾರ್ಥಗಳನ್ನು ಅನುಗ್ರಹಿಸಿ ಮಂಗಳವನ್ನುಂಟು ಮಾಡಲಿ ಎಂದು ಪ್ರಾರ್ಥಿಸೋಣ .
No comments :
Post a Comment