Baare Gowri Poojisuvenu

ರಚನೆ : ಕಾರ್ಪರ ನರಹರಿದಾಸರು

ಬಾರೇ  ಗೌರಿ ಪೂಜಿಸುವೆನು  ಸಾರಸಾಂಬಕಿ
ಸಾರುವೆ ಸಂಸಾರದಿ  ನೀ ಸುಖವದೋರೆ  ವಿಧುಮುಖಿ ।।ಪ।।



ಕುಂದ ಮಲ್ಲಿಗೆ ಜಾಜಿ ಕುಸುಮ ಗಂಧ ಪರಿಮಳ...
ಚಂದದಿ ಸಮರ್ಪಿಸುವೆನು  ನಾ  ಪುಷ್ಪಂಗಳ ।।೧।।

ಮಂಗಳೆಯೆಂದು  ಪಾಡುತ ಬೆಳಗುವೆನು  ಆರುತಿ
ಮಂಗಳೆಗೌರಿಯೇ ಕೊಡು  ಎನಗೆ ಸೌಭಾಗ್ಯ ಸಂತತಿ ।।೨।।

ಮಂಗಳ ಪ್ರದಾತೆ ಗಿರಿಸಂಭೂತೇ ಭೂಸುರ  ಸುರನುತೆ
ಮಂಗಳಾಂಗಿ  ಕುರು ಕರುಣಾಮಯಿ ನಮೋ  ನಮೋಸ್ತುತೇ ।।೩।।

ಸಡಗರದಿ ನಿಮ್ಮಡಿಯ ಸೇವೆ ಬಿಡದೆ ಮಾಡುವೆ
ಮೃಡನ  ರಾಣಿ ಕೊಡುವರಗಳ  ಗಡನೆ ಬೇಡುವೆ ।।೪।।

ಶರಣು ಜನರ ಪೊರೆವ ಕಾರ್ಪರ ನಾರಸಿಂಹನ
ಚರಣ ಕಮಲಯುಗದಲಿ   ಭಕುತಿ ಇರಲಿ ಅನುದಿನಾ ।।೫।।

Audio Link :

http://mp3/Baare-Gowri-Poojisuvenu-Sri-Vidyabhushana