sOmavara banditEndarE

ಸೋಮವಾರ ಬಂದಿತೆಂದರೆ ಶಿವನ ಪೂಜಿಸು
ಸೋಮನಾಥೇಶ್ವರನ  ಒಲವನು ಗಳಿಸು ।।


ಲಿಂಗರೂಪಿ ಈಶ್ವರನ ನಾಮವ ಜಪಿಸು
ಪಂಚಾಕ್ಷರಿ ಮಂತ್ರವನು  ಶಠೆಯಲಿ  ಪಠಿಸು
       ಓಂ ನಮಃ ಶಿವಾಯ 
 ಬಿಲ್ವಪತ್ರೆ ಪ್ರೀತಿಯಿಂದ ಅವನಿಗರ್ಪಿಸು
ವಿಭೂತಿಯ ಹಣೆಯಲ್ಲಿ ಮುದದಲಿ ಧರಿಸು ।।
                                                   ।।ಸೋಮವಾರ।।


ನಾಗೇಂದ್ರಹಾರನ  ನಾಮ ನೆನೆಯಲು
ನೂರೊಂದು ಕಷ್ಟಗಳು ಮರೆಯಾಗುವುದು।
ಮುಕ್ಕಣ್ಣನ ಮನಸ್ಸಾರ ನಾವು ಸ್ಮರಿಸಲು
ಸ್ಮರಹರನ  ಒಲುಮೆಯು ನಮಗಾಗುವುದು ।।
                                                    ।।ಸೋಮವಾರ।।


ರಜತಗಿರಿವಾಸನನು ಹೃದಯದಿ ಇರಿಸಿ
ಭಕ್ತಿಯೆಂಬ ದೀಪವನ್ನು ಬೆಳಗಬೇಕಯ್ಯ .... ಓಂ ...ಓಂ ..... (೨)
ಅಂತರಂಗ ಬಹಿರಂಗ ಶುದ್ಧವಾಗಿರಲು
ಭಸ್ಮಾಂಗರಾಗನು  ಒಲಿಯುವನಯ್ಯ ।।
                                             ।।ಸೋಮವಾರ।।