Enu Dhanyalo

 ಲಕ್ಷ್ಮಿ  ಹಾಡು

ಏನು  ಧನ್ಯಳೋ  ಲಕುಮಿ  ಎಂಥಾ  ಮಾನ್ಯಳೋ ।।ಪ।।
ಸಾನುರಾಗದಿಂದ  ಹರಿಯ  ತಾನೇ  ಸೇವೆ  ಮಾಡುತಿಹಳು ।।ಅ.ಪ।।


ಕೋಟಿ  ಕೋಟಿ  ಭೃತ್ಯರಿರಲು  ಹಾಟಕಾಂಬರನ  ಸೇವೆ
ಸಾಟಿಯಿಲ್ಲದೆ  ಪೂರ್ಣಗುಣನ  ಶ್ರೇಷ್ಟವಾಗಿ  ಮಾಡುತಿಹಳು ।।೧।।  [ಏನು]

ಛತ್ರ  ಚಾಮರ  ವ್ಯಜನ ಪರ್ಯಂಕ  ಪಾತ್ರರೂಪದಲ್ಲಿ  ನಿಂತು
ಚಿತ್ರಚರಿತನಾದ  ಹರಿಯ  ನಿತ್ಯಸೇವೆ  ಮಾಡುತಿಹಳು ।।೨।।  [ಏನು]

ಸರ್ವಸ್ಥಳದಿ  ವ್ಯಾಪ್ತನಾದ  ಸರ್ವದೋಷರಹಿತನಾದ
ಗರುಡಗಮನನು  ಆದ  ಪುರಂದರವಿಠಲನ್ನ  ಸೇವಿಸುವಳು ।।೩।।  [ಏನು]