Hanumana Maneyavaru

ವಿದ್ಯಾಪ್ರಸನ್ನ ತೀರ್ಥರ ಕೃತಿ

ರಾಗ : ಬಿಲಹರಿ
ತಾಳ : ಆದಿ


ಹನುಮನ ಮನೆಯವರು ನಾವೆಲ್ಲರೂ।
ಹನುಮನ ಮನೆಯವರು  ।।                                       ।। ಪ ।।


ಅನುಮಾನ ಪಡೆದೆಲೆ  ಸ್ಥಳವ ಕೊಡಿರಿ  ಎಮಗೆ ।।          ।। ಅ . ಪ ।।


ಊರ್ಧ್ವಪುಂಡ್ರವ  ನೋಡಿ  ಶ್ರದ್ಧೆ ಭಕುತಿ ನೋಡಿ ।
ಹೃದ್ಗಕ್ತವಾದೆಮ್ಮ  ತತ್ತ್ವಗಳನೆ  ನೋಡಿ।।
ಇದ್ದುದನಿಲ್ಲೆಂಬ  ಅಬದ್ಧ ನುಡಿವರಲ್ಲಾ ।
ಮಧ್ವಮುನಿಯು ನಮ್ಮ ತಿದ್ದಿರುವುದ ನೋಡಿ ।।              ।।೧।।



ಸತ್ಯ ಮಿಥ್ಯಗಳಿಗೆ  ಅಂತರ ಬಲ್ಲೆವು ।
ಉತ್ತಮ ನೀಚರೆಂಬುವ  ಭೇದ ಬಲ್ಲೆವು ।।
ಸುತ್ತಲು ಕಂಡು ಕಾಣದ ಇಹ ಎಲ್ಲಕ್ಕೂ ।
ಉತ್ತಮನೊಬ್ಬನೇ  ಹರಿಯೆಂದು ಬಲ್ಲೆವು ।।                  ।।೨।।



ಹಲವು ಲೋಕಗಳುಂಟೆಂಬುದ  ಬಲ್ಲೆವು ।
ಹಲವು ಯೋನಿಗಳಲ್ಲಿ ಜನ್ಮಗಳೊಲ್ಲವು ।।
ಅಳವ ಭೋಧರು  ನಮ್ಮ ಕಳುಹಿದರಿಲ್ಲಿಗೆ ।
ತಿಳಿಸಿ ಪ್ರಸನ್ನ ಶ್ರೀ ಹರಿಗೆ ವಿಚಾರವ ।।                        ।। ೩।।