Vidye Karunise

                                                 ಶಾರದೆ ಹಾಡು



ವಿದ್ಯೆ ಕರುಣಿಸೇ ವೀಣಾ ಪಾಣಿ......
ವಿಜ್ಞಾನ ನೀಡಮ್ಮ ವಿರಿಂಚಿ ರಾಣಿ ।।೨।।   ।ಪ।
                                                ।।  ವಿದ್ಯೆ।।

ಮನೋವಿಕಾಸವ  ಹೊಂದಲು
ಆತ್ಮ ವಿಚಾರವ  ಅರಿಯಲು ।।
ಸತ್ಯ ಸ್ವರೂಪ ಸಂದರ್ಶನಕೆ
ತನ್ನ ತಾನರಿಯುವ  ತತ್ವ ರಹಸ್ಯ  ವಿದ್ಯೆ  ಕರುಣಿಸೆ ।।ಅ. ಪ।।
                                                               ।।  ಶ್ರೀವಿದ್ಯೆ ।।
ಎಲ್ಲರ  ಕ್ಷೇಮವ ಬಯಸಿ
ಜಾತಿಯ ವೈರವ ದೂರಕೆ ಸರಿಸಿ ।।
ಮಾನವರಲ್ಲಿ ಮಮತೆಯ ಬೆಳಸಿ
ಮಾರಣ  ಹೋಮವ ಕಣ್ಮರೆ
ಮಾಡುವ  ವಿದ್ಯೆ  ಕರುಣಿಸೇ।।
                                          ।। ಶ್ರೀ ವಿದ್ಯೆ।।

ಪ್ರಕೃತಿ ಧರ್ಮವನು ಪರಿಪಾಲಿಸಲು
ಸರ್ವೇಶ್ವರನ ಸಾಕ್ಷಾತ್ಕಾರಕೆ  ।।೨।।
ಕಾವ್ಯದಲ್ಲಿಹ  ಕಣ್ಣಿಗೆ
ಕಾಣದ  ಜ್ಞಾನವನು ।।೨।।
ಮಾತೆ ಶಾರದೆ ಶೀಘ್ರವೇ ನೀಡೆಮೆಗೆ ।।
                                                     ।। ಶ್ರೀ ವಿದ್ಯೆ ।।



http://www.saavn.com/s/#!/p/song/kannada/Sri+Devi+Pushpanjali/Vidye+Karunise/BSMKCBdvVEQ